ပြည်ထောင်စုလွှတ်တော်တွင် ဖေဖော်ဝါရီ ၂ ရက်နေ့က အတည်ပြုခဲ့သည့် ဝှိုက်ကတ်ကိုင်ဆောင်ထားသူများ အား ပြည်လုံးကျွတ်ဆန္ဒခံယူပွဲတွင် မဲပေးခွင့်ပြုခြင်း ဆုံးဖြတ်ချက်ကို ကန့်ကွက်သည့်အနေဖြင့် ရဟန်းပြည်သူ ထောင်နှင့်ချီ၍ လမ်းလျှောက်ချီတက် ဆန္ဒထုတ်ဖော်မည်ဖြစ်ကြောင်း ဆရာတော်ဦးပါမောက္ခက News Watch ဂျာနယ်သို့ မိန့်ကြားသည်။
“ဆရာတော်တို့ ဒီနေ့ပဲ အစည်းအဝေးတိုင်ပြီး ဆုံးဖြတ်လိုက်တာ။ ပြည်ထောင်စုလွှတ်တော်က အတည်ပြုခဲ့ တဲ့ ဝှိုက်ကတ်ကိစ္စကို ကန့်ကွက်ဆန္ဒထုတ်ဖော်မယ်ဆိုပြီး လာမယ့် ဖေဖော်ဝါရီ ၈ ရက်နေ့ကစပြီး ကြေးသွန်း ဘုရားကနေ တိုင်းဒေသကြီးလွှတ်တော်အဆောက်အဦးရှေ့ထိကို လမ်းလျှောက်ဆန္ဒထုတ်ဖော်မယ်။ အဲဒီအဆောက်အဦးရှေ့မှာပဲ (၇)ရက်ကြာထိ ဆန္ဒထုတ်ဖော်မယ်။ ၈ ရက်မြောက်လို့ လွှတ်တော်က ထူးခြားမှုမရှိရင် နေပြည်တော်ကိုလမ်းလျှောက်မယ်။ နေပြည်တော်ရောက်လို့ လွှတ်တော်က ဘာမှမလုပ်ပေး ဘူးဆိုရင် ရက်အကန့်အသတ်မရှိ ဆန္ဒထုတ်ဖော်သွားမယ်” ဟု ဆရာတော်က မိန့်ကြားသည်။
မြောက်ဥက္ကလာမြို့နယ် ဘုန်းကြီးလမ်းအတွင်းရှိ ပဏ္ဍိစ္စာရာမပရိယတ္တိကျောင်းတိုက်အတွင်း မျိုးချစ် သံဃာတော်များနှင့်မျိုးချစ်ပြည်သူများ အစည်းအဝေးထိုင်ကာ ယခုကဲ့သို့ ဆုံးဖြတ်ခဲ့ခြင်းဖြစ်သည်။ အဆိုပါဝှိုက် ကတ်နှင့်ပတ်သက်၍ မျိုးချစ်သံဃာတော်များ၊ မျိုးချစ်ပြည်သူများ ထောင်နှင့်ချီပါဝင်မည်ဖြစ်ပြီး အနည်းဆုံး နှစ်ထောင်ကျော်နှင့်သုံးထောင်ကြားတွင် ရှိမည်ဖြစ်ကြောင်းနှင့် ဖေဖော်ဝါရီ ၈ ရက် နေ့လယ် ၁ နာရီတွင် ကြေးသွန်းဘုရားမှစတင်ကာ ရန်ကုန်တိုင်းဒေသကြီး အစိုးရလွှတ်တော်ရှေ့သို့ လမ်းလျှောက်ထွက်ခွာမည် ဖြစ်ကြောင်း သိရသည်။ ဝှိုက်ကတ်ကိုင်ဆောင်ထားသူများအား ပြည်လုံးကျွတ်ဆန္ဒခံယူပွဲတွင် မဲပေးပိုင်ခွင့် အား ပြည်ထောင်စုလွှတ်တော်တွင် ဖေဖော်ဝါရီလ ၂ရက်နေ့က ထောက်ခံမဲ ၃၂၄မဲ၊ ကန့်ကွက်မဲ ၇၈ မဲ၊ ကြားမဲ ၁၉ မဲဖြင့် အတည်ပြုခဲ့ခြင်းဖြစ်သည်။
သဒ္ဓါထက်အိုင်(လှည်းတန်း)
