မန္တလေး၊ ဒီဇင်ဘာ ၇
မန္တလေးမြို့တော်တွင် ပြီးခဲ့သည့် ဇူလိုင်လဆန်းပိုင်းက ဖြစ်ပွားခဲ့သည့် လူမျိုးရေးနှင့် ဘာသာရေးဆိုင်ရာ ပဋိပက္ခအတွင်း ဦးထွန်းထွန်း အသတ်ခံရမှုတွင် ကျူးလွန်သူဟု သံသယရှိသူများကို စစ်ဆေးရာမှ ၄င်းတို့ ၁၁ ဦးထဲမှ နှစ်ဦးသည် တရားမဝင် အစ္စလာမ်လက်နက်ကိုင်တပ်ဖွဲ့ ဖွဲ့စည်းဆောင်ရွက်ခဲ့ကြောင်း စစ်ဆေးပေါ် ပေါက်သဖြင့် မတရားအသင်းပုဒ်မဖြင့် အမှုဖွင့်အရေးယူခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးထံမှ စုံစမ်းသိရှိရသည်။
အဆိုပါ လူသတ်မှုကိစ္စတွင် သံသယရှိသူ ၁၁ ဦးထဲမှ အမျိုးသားနှစ်ဦးသည် နိုင်ငံတော်လုံခြုံရေးနှင့် ငြိမ်ဝပ်ပိပြားရေးကို ထိခိုက်ပျက်ပြားစေရန် တရားမဝင် အစ္စလာမ် လက်နက်ကိုင်တပ်ဖွဲ့ ဖွဲ့စည်းဆောင်ရွက်ခဲ့ ခြင်းနှင့် ယင်းဖွဲ့စည်းဆောင်ရွက်ရာတွင် လက်နက်ကိုင်တပ်ဖွဲ့များဖြစ်သည့် RCSSA/SSA၊KNU၊DKBA၊AMBU အဖွဲ့များနှင့် ဆက်သွယ်ပြီး ပြည်တွင်းတွင် အစ္စလာမ်လက်နက်ကိုင်တပ်ဖွဲ့တစ်ခု ထူထောင်ရန် အဆိုပါအဖွဲ့ အစည်းများထံသို့ အကူအညီတောင်းခံခဲ့ကြောင်း စစ်ဆေးပေါ်ပေါက်ခဲ့သည့်အတွက် ၄င်းတို့နှစ်ဦးကို မတရားအသင်းပုဒ်မဖြင့် အမှုဖွင့်ပြီး လူသတ်မှုအပြင် မတရားအသင်းပုဒ်မဖြင့်ပါ တရားစွဲဆိုထားကြောင်း အဆိုပါရဲတပ်ဖွဲ့မှူးရုံးထံမှ ထပ်မံသိရသည်။
“ဦးထွန်းထွန်းသတ်မှုမှာ ကျူးလွန်သူ ၁၁ ဦးကို စစ်နေပြီ။ တရားခံလို့ သေချာတဲ့အဆင့်ရောက်နေပြီလို့ ပြောလို့ရတယ်” ဟု ယင်းအမှုကို စစ်ဆေးဆောင်ရွက်နေသည့် တရားလွှတ်တော်ရှေ့နေတစ်ဦးက ဆိုသည်။
ယင်းအမျိုးသားနှစ်ဦးကို ချမ်းအေးသာစံမြို့နယ် မြို့မရဲတပ်ဖွဲ့စခန်းတွင် (ပ)၆၈၁/၂၀၁၄ မတရားအသင်းပုဒ်မ ၁၇(၁) အရ အမှုဖွင့်စစ်ဆေးလျက်ရှိကြောင်း အဆိုပါ ချမ်းအေးသာစံမြို့မရဲတပ်ဖွဲ့စခန်းထံမှ စုံစမ်းသိရှိရသည်။
