မစိုးရိမ်တိုက်သစ်တည် မဟာနာယကဆရာတော်ဘုရားကြီး သုံးပါးထဲမှာ အကြီးဆုံး မဟာနာယကဆရာတော် ဘုရားကြီး၏ ဇာတိ-ဘုတလင်မြို့နယ် ထနောင်ကုန်းရွာမှာ ဒီကနေ့ 13.9.2014 ရက်နေ့မှာ ထီးတော်တင် အလှူပွဲ ခြိမ့်ခြိမ့်သဲ ကျင်းပခဲ့ကြပါတယ်။
လက်ရှိ မဟာနာယကဆရာတော်ကြီး ဘဒ္ဒန္တကေသရာဘိဝံသ ကြီးမှူးကျင်းပခဲ့တာပါ။
မစိုးရိမ်တိုက်သစ် နာယကများ၊ ရွာခံဆရာတော်များ၊ တပည့်ကြီးငယ်များ၊ ဝန်ကြီးချုပ်သာအေးနှင့် ဌာနဆိုင်ရာ ဝန်ထမ်းများ ဧည့်ပရိသတ်များ တက်ရောက်ကြပါတယ်။
အသောကမဟာဝိဇယစေတီတော် ထီးတော်တင်ပွဲ၊ လျှပ်စစ်မီးဖွင့်ပွဲ၊ စက်ရေတွင်းဖွင့်ပွဲ၊ အထက်တန်းကျောင်း ခွဲတိုးချဲ့ဖွင့်လှစ်ပွဲတို့ကို တစ်ရက်တည်း ကျင်းပခဲ့တာပါ။
ကျေးဇူးရှင် မစိုးရိမ်တိုက်သစ် မဟာနာယကဆရာတော်ဘုရားကြီးက ၂၀၀၃ ခုနှစ် သက်တော်ရှစ်ဆယ် အရွယ်မှာ ပျံလွန်ခဲ့တာဖြစ်လို့ အခုဆိုရင် (၁၁)နှစ်ပြည့်မြောက်ပြီ ဖြစ်ပါတယ်။
