အိုင်အက်စ်(IS)အိုင်အက်စ်အိုင်အက်စ်(ISIS)အုပ်စုအဖွဲ့ဝင်များ စီစဉ်ပြုလုပ်သည့် ထိတ်လန့်စရာ အကြမ်းဖက် သတင်းများက တစ်ကမ္ဘာလုံးကို အံ့အားသင့်ချောက်ချားခဲ့ရပါသည်။ သူတို့အဖွဲ့သည် မွတ်စလင်၊ ခရစ်ယာန်နှင့် တခြားလူနည်းစုများအပေါ် အကြမ်းဖက်မှုများဆက်တိုက်ဆိုသလို ဆောင်ရွက်နေသူများဖြစ်သည်။
ပြီးခဲ့သည့် ရက်သတ္တပတ်အတွင်းမှာ အိုင်အက်စ်(IS)အဖွဲ့သည် အမေရိကန် သတင်းစာဆရာ ဂျိုးဇက်ဖိုလီကို ခေါင်းဖြတ်သတ်ခဲ့သလို ခရစ်ယာန်ဘာသာသာဝင်များနှင့် အီရတ်မြောက်ပိုင်းယာဇီဒီလူမျိုးများကို မုဒိမ်းကျင့်ခြင်း၊ ခေါင်းဖြတ်ခြင်းဖြင့် ရက်ရက်စက်စက် တိုက်ခိုက်ခဲ့သည်။ ထိုကဲ့သို့ သတ်ဖြတ်ရာတွင် အိုင်အက်စ်(IS)အဖွဲ့က လူမှုရေးအင်တာနက်စာမျက်နှာများကို အသုံးပြုကာ အကြမ်းဖက် တိုက်ခိုက် သတ်ဖြတ်နေသော ဓာတ်ပုံများကို တင်ပြီး သူ၏ အကြမ်းဖက်မှုလုပ်ဆောင်ချက်များကို အရှိန်မြှင့်လာခဲ့၏။
ထိုအခြေအနေတွင် အိုင်အက်စ်(IS)အဖွဲ့မှာ ပါဝင်တိုက်ခိုက်နေသော အမေရိကန်နိုင်ငံသားတစ်ဦး တိုက်ပွဲမှာ သေဆုံးသွားသည့် သတင်းက စိုးရိမ်မှုများကို နှစ်ဆတိုးလာစေသည်။ ထိုသူသည် အမေရိကန်နိုင်ငံ မနီပိုလစ် က ဒေါက်ကလစ်မက်အာသာမက်ကိန်းဆိုသူဖြစ်ကြောင်း အမေရိကန်အစိုးရက အတည်ပြုခဲ့သည်။
သူက အီရတ်၌ ဖြစ်ပွားခဲ့သည့် တိုက်ပွဲတွင် ကျဆုံးခဲ့တာဖြစ်ပြီး သူနှင့်အတူ တခြားအမေရိကန်တစ်ဦးလည်း သေဆုံးခဲ့သည်။
တကယ်တမ်းတွင်မူ တစ်ကမ္ဘာလုံးမှ မွတ်စလင်များမှ အိုင်အက်စ်(IS)အဖွဲ့ကို မွတ်စလင်များမဟုတ်ပါဟု ရှုတ်ချအပြစ်တင်ထားပါသည်။ သူတို့ကတော့ သူတို့ကိုယ်သူတို့ သီးခြား မွတ်စလင်နိုင်ငံတော်အဖြစ် ကြေညာထား၏။ အီဂျစ်နိုင်ငံက သြဇာကြီးမားသည့် မွတ်စလင်ဘာသာရေးခေါင်းဆောင် မုဖနီရှော်ကီအာလမ် က အိုင်အက်စ်(IS)အဖွဲ့ကို အစ္စလာမ်ဘာသာနှင့် မွတ်စလင်ဘာသာဝင်များကို ဒုက္ခပေးမည့် အစွန်းရောက် သွေးဆာနေသူအုပ်စုတစ်စုဟု ပြောကြားလိုက်သည်။
ထိုကဲ့သို့ ရှုတ်ချပြစ်တင်မှုတွေရှိသော်ငြား ဆီးရီးယားနိုင်ငံက အိုင်အက်စ်(IS) အဖွဲ့တွင် နိုင်ငံခြားသား တိုက်ခိုက်သူတပ်ဖွဲ့သားများက အရေအတွက် ၁၁၀၀၀ အထိ ရှိလာနေပြီဟု ခန့်မှန်းရသည်။ ထိုအထဲတွင် အမေရိကန်နိုင်ငံသားတွေ ဒါဇင်နှင့်ချီပြီးပါနေသည်။ တချို့ အမေရိကန်များကလည်း အိုင်အက်စ်(IS) အဖွဲ့ထဲ က ရာထူးအမြင့်တွေကို မျှော်မှန်းရင်း တိုက်ပွဲများတွင် တိုက်ခိုက်ပြီး သေဆုံးကြသည်။ အိုင်အက်စ်(IS)အဖွဲ့ သည် တကယ့်ကို အလေးထားဂရုပြုစရာ ခြိမ်းခြောက်မှုကြီးဖြစ်ပြီး သူတို့ကို ရပ်တန့်တားဆီးရန် စစ်အင်အား လည်း လိုပါသည်။ အီရတ်နိုင်ငံမှာ အမေရိကန်ပြည်ထောင်စုက ကာဒတ်စ်သူပုန်းများ၊ အီရတ်တပ်ဖွဲ့များနှင့် ပေါင်းပြီး လေကြောင်းက တိုက်ခိုက်သလိုမျိုး ဆီးရီးယားမှာ အိုင်အက်စ်(IS)အဖွဲ့များကို တိုက်ခိုက်ဖို့လည်း စဉ်းစားနေကြပါသည်။
သို့သော်လည်း နယူးယောက်အခြေစိုက် အရှေ့အလယ်ပိုင်းရေးရာ ကျွမ်းကျင်သူ အစ်ဟူစိန်က စစ်အင်အား သုံးခြင်းက ရေရှည်ဖြေရှင်းနည်းမဟုတ်ဘဲ အိုင်အက်စ်(IS)အဖွဲ့၏တပ်သားသစ် စည်းရုံးထောက်ပံ့နေသည့် လိုင်းများကိုသာ ဖြတ်တောက်ဖို့က ပိုအရေးကြီးသည်ဟု ဆိုပါသည်။ စစ်ရေးကရေတိုသာဖြစ်ပြီး ဉာဏ်ရည်ဖြင့် ယှဉ်ပြိုင်ရမည်ဟု သူကဆိုပါသည်။
ဟူစိန်က အိုင်အက်စ်(IS)အဖွဲ့သည် နောက်ခံတောင့်တင်းမှုအားနည်းသည့် အသက်(၁၈)နှစ်ကနေ (၂၅)နှစ်အတွင်း လူငယ်များကို ရှာဖွေနေသည်ဟု ဆိုပါသည်။ လူငယ်တွေကို ကမ္ဘာပေါ်က မတရားမှုများကို ထောက်ပြကာ အိုင်အက်စ်(IS)အဖွဲ့ကိုဝင်ပြီး ကမ္ဘာပေါ်က မတရားမှုတွေကို တိုက်ဖျက်ဖို့ စည်းရုံးပါသည်။ သူတို့၏ ပစ်မှတ်ကတော့ အနောက်နိုင်ငံများနှင့် အကျင့်ပျက်သည်ဟု သူတို့ယူဆသော မွတ်စလင်နိုင်ငံများမှ အစိုးရများဖြစ်သည်။
တချို့ပညာရှင်များကတော့ အိုင်အက်စ်(IS)အဖွဲ့ကို ချေမှုန်းရင်း တခြားနည်းလမ်းများကိုလည်း ထောက်ပြပါ သည်။ အင်္ဂလန်နိုင်ငံမှ နိုင်ငံရေးအကြံပေး မက်ဒီဟန်ဆန်က တချို့လူများက အိုင်အက်စ်(IS)အဖွဲ့ကို ဝင်ဖို့ စိတ်အားထက်သန်ရခြင်းမှာ အိုင်အက်စ်(IS)အဖွဲ့သည် အစ္စလာမ်ဘာသာ၏ အခြေခံများကို လျစ်လျူရှုခြင်း ကြောင့် ဖြစ်သည်ဟုဆိုသည်။ ကမ္ဘာပေါ်ကလူငယ်များ၏ ပြဿနာကို မိဘအသိုင်းအဝိုင်းက လက်ခံနားထောင် မပေးကြ။ လောကကြီး တရားမမျှတမှုများကို ဖြေရှင်းဖို့ လူငယ်တွေကို ကူညီလမ်းပြခြင်းမရှိကြဟု ဆိုသည်။ ထို့ကြောင့် လူငယ်တွေအတွက် အိုင်အက်စ်(IS)အဖွဲ့လိုမျိုးတွေက ကယ်တင်ရှင်တွေလိုဖြစ်လာ၏။ ထို့ကြောင့် လူငယ်များ၏ ပြဿနာများကို ဖြေရှင်းကူညီမှုကသာလျှင် အိုင်အက်စ်(IS)အဖွဲ့က လူငယ်များအား စည်းရုံးမှု များကို တားဆီးနိုင်မည်ဟု သူကဆိုသည်။
“အဲဒီ လူငယ်မျိုးဆက်သစ်တွေကို အဓိပ္ပါယ်ရှိတဲ့ဘဝကို ရှာဖွေဖို့ ဗဟုသုတနဲ့ ပံ့ပိုးမှုတွေကိုပေးရမှာက ကျွန်တော်တို့ အားလုံးရဲ့တာဝန်ပါ”
ယခုအခါမှာ ကမ္ဘာပေါ်ရှိလူငယ်များကို သေဆုံးမှုနှင့် ဘဝကို ဖျက်ဆီးမည့် လမ်းကြောင်းကို ခေါင်းထဲ ရိုက်ထည့်ပေးဖို့အတွက် အိုင်အက်စ်(IS)အဖွဲ့နှင့် အစွန်းရောက်အဖွဲ့များက လူငယ်တွေဆီကို အသည်းအသန် ရှောက်ရှိဖြားယောင်းရန် ကြိုးစားနေပါပြီ။ ထို့ကြောင့် လူငယ်အများစုဆီကို ကမ္ဘာကြီးပေါ်က သာယာလှပလာ အောင် မတရားမှုများကို တိုက်ဖျက်ပေးမည်မှာ အိုင်အက်စ်(IS) အဖွဲ့မဟုတ်ဘဲ မိသားစုဝန်းကျင် အသိုင်း အဝန်းသာဖြစ်ကြောင်း သတင်းစကားပြသနိုင်ရန် အရေးကြီးလှပါသည်။
ထားထားမြင့်(ကိုးကား The Huffington Post သတင်းစာပါ ISIS and the Crisis of Meaning ဆောင်းပါး)
