“သက်ကြီးရွယ်အို ခရစ်ယာန်သီလရှင်ကြီး အုပ်စုလိုက်အဓမ္မပြုကျင့်ခံရမှု လူတစ်ဦးကို ရဲတပ်ဖွဲ့ ဖမ်းဆီးထား”
နယူးဒေလီ
အိန္ဒယရဲတပ်ဖွဲ့သည် အနောက်ဘန်ဂေါလ်ပြည်နယ်တွင် ပြီးခဲ့သည့် သီတင်းပတ်အတွင်း သက်ကြီးရွယ်အို ခရစ်ယာန်သီလရှင်ကြီးတစ်ပါးကို အုပ်စုလိုက် အဓမ္မပြုသွားသည့် တရားခံများအား ရှာဖွေနေပြီး သံသယတရားခံတစ်ဦးကို ပထမဆုံး ဖမ်းဆီးနိုင်ခဲ့သည်။
ရဲတပ်ဖွဲ့သည် ထိုဖြစ်စဉ်ပြီးနောက် လူဒါဇင်နှင့်ချီ၍ ထိန်းသိမ်းစစ်မေးမှုများပြုလုပ်ခဲ့သော်လည်း မည်သူ့ကိုမျှ ဖမ်းဆီးခဲ့ခြင်းမရှိဘဲ ယခုမှ ပထမဆုံးအကြိမ် သံသယတရားခံတစ်ဦးကို ဖမ်းလိုက်ခြင်းဖြစ်သည်။
ထိုစဉ်က အခင်းဖြစ်ပွားရာ ဘုရားကျောင်းရှိ စီစီတီဗီကင်မရာထဲတွင် တရားခံခြောက်ဦးပုံကို ဖမ်းယူရရှိထားကာ ထိုသူများသတင်းပေးနိုင်သူအား ဆုကြေး ရူးပီတစ်သိန်း(ဒေါ်လာ ၁,၅၀၀)ချီးမြှင့်မည်ဟု ကြေညာထားသည်။
ယခုတရားခံကို မွမ်ဘိုင်းမြို့တွင် ဖမ်းမိခဲ့ခြင်းဖြစ်ပြီး အနောက်ဘန်ဂေါလ်ပြည်နယ် မြို့တော်ကိုးလ်ကတ္တားသို့ လွှဲပြောင်းပေးလိုက်ကြောင်း တာဝန်ရှိရဲအရာရှိတစ်ဦးက ပြောသည်။
ဖမ်းဆီးလိုက်သူမှာ မိုဟာမက်ဆလင်းမ်ရှိတ်ဆိုသူဖြစ်သည်ဟု ၄င်းက ဖော်ထုတ်ခဲ့သော်လည်း ထိုသူမှာ ကင်မရာထဲတွင် ဖမ်းယူရရှိထားသည့် တရားခံများထဲမှ ဟုတ်၊ မဟုတ် ထုတ်ဖော်ခြင်းမရှိပေ။
အဆိုပါတိုက်ခိုက်မှုတွင် လူခြောက်ဦးမှာ ရာနာဂတ်မြို့ရှိ ခရစ်ယာန်သီလရှင်စာသင်ကျောင်းထဲသို့ မတ်လ ၁၄ ရက်က ကျူးကျော်ဝင်ရောက်လာပြီး အသက်(၇၄)နှစ်အရွယ် သီလရှင်ကြီးကို အုပ်စုလိုက် အဓမ္မပြုကာ ကျောင်းထဲရှိ ငွေများလည်း လုယူသွားခဲ့ကြသည်။
Ref:BBC
(27.3.2015 7 Day သတင်းစာ)