လွန်ခဲ့တဲ့ ငါးလလောက်တုန်းက အမေရိကန်သမ္မတ ဘားရက်အိုဘားမားဟာ အစ္စလာမ်မစ်နိုင်ငံတော် (IS) စစ်သွေးကြွတပ်ဖွဲ့ကို တိုက်ခိုက်မယ့် သူ့ရဲ့မဟာဗျူဟာကို အားနဲ့မာန်နဲ့ ပြောပြခဲ့ပါတယ်။
‘‘ကျွန်တော်တို့ရဲ့ ရည်ရွယ်ချက်က ရှင်းပါတယ်။ ISIL (IS ၏ အမည်ဟောင်း)ရဲ့ အင်အားကို တဖြည်းဖြည်း လျော့ပါးလာအောင် ကျွန်တော်တို့လုပ်မယ်။ ပြီးတော့ ရေရှည်အတွက် ရည်ရွယ်ထားတဲ့ အကြမ်းဖက်မှု တိုက်ဖျက်ရေး မဟာဗျူဟာတစ်ခုကို အသုံးပြုပြီး သူတို့ကို အလုံးစုံပျောက်ကွယ် ချုပ်ငြိမ်းသွားတဲ့အထိ ဖျက်ဆီးပစ်ပါမယ်’’လို့ အိုဘားမားက ကြေညာခဲ့ပါတယ်။
အခုအချိန်မှာတော့ အိုင်အက်စ်တပ်ဖွဲ့ဟာ ကမ္ဘာ့မီဒီယာတွေမှာ နေရာပေးအဖော်ပြခံရဆုံး သတင်းခေါင်းစဉ်တစ်ခု ဖြစ်လာပါပြီ။ အမေရိကန်နဲ့ ပူးပေါင်းမဟာမိတ်လေတပ်တွေက အကြိမ်ပေါင်းထောင်နဲ့ချီ ဗုံးကြဲတိုက်ခိုက်နေပေမယ့် အိုင်အက်စ်တပ်ဖွဲ့ရဲ့ တကယ့်ပင်မရင်းမြစ်ကို ထိခိုက်အောင် မစွမ်းဆောင်နိုင်ဘူးလို့ စစ်ဘက်ကျွမ်းကျင်သူတွေက သုံးသပ်ကြတယ်။ အိုဘားမားရဲ့ ဗျူဟာအပေါ် ဝေဖန်မှုတွေလည်း ရှိလာတယ်။
ဆိုးသထက်ဆိုးလာတဲ့ အိုင်အက်စ်
ပြီးခဲ့တဲ့သီတင်းပတ်ကုန်မှာတော့ အိုင်အက်စ်တပ်ဖွဲ့က ဖမ်းဆီးထိန်းသိမ်းထားတဲ့ ဒုတိယမြောက် ဂျပန်ဓားစာခံတစ်ဦးကို ခေါင်းဖြတ်ကွပ်မျက်လိုက်တဲ့ သတင်းဟာ တစ်ကမ္ဘာလုံးကို ချောက်ချားသွားစေပါတယ်။
အိုင်အက်စ်တပ်ဖွဲ့က ဆီးရီးယားပိုင်နက်ထဲက သူတို့ထိန်းချုပ်ထားတဲ့ တစ်နေရာမှာ ဂျပန်ဂျာနယ်လစ် ကန်ဂျီဂိုတိုကို ခေါင်းဖြတ်ကွပ်မျက်လိုက်တဲ့ ဗီဒီယိုကို အင်တာနက်ပေါ်မှာ လွှင့်တင်ခဲ့ပါတယ်။ အိုင်အက်စ်တပ်ဖွဲ့ဟာ အစောပိုင်းကလည်း ဂျပန်နိုင်ငံသား ဟာရူနာယူကာဝါကို ကွပ်မျက်ခဲ့ပါသေးတယ်။ အမေရိကန်နဲ့ ဗြိတိန်နိုင်ငံသား ဓားစာခံတွေကို သတ်ဖြတ်ခဲ့ဖူးတဲ့အပြင် တစ်ပတ်အတွင်း ဂျပန်နိုင်ငံသား ဓားစာခံနှစ်ယောက်ကို ခေါင်းဖြတ်ကွပ်မျက်လိုက်ခြင်းက အမေရိကန်ဦးဆောင်တဲ့ မဟာမိတ်နိုင်ငံတွေကို ဗြောင်ကျကျ စိန်ခေါ်လိုက်ခြင်းဆိုရင်လည်း မမှားပါဘူး။
ဂျပန်အတွက် အိပ်မက်ဆိုး
ဂျပန်ဝန်ကြီးချုပ် ရှင်ဇိုအာဘေးက ‘‘လူမဆန်ဘဲ ယုတ်ညံ့ဆိုးရွားလွန်းတဲ့ ဒီလိုအကြမ်းဖက်ရာဇဝတ်မှုမျိုးကို ကျွန်တော်တို့ ပြင်းပြင်းထန်ထန် ရှုတ်ချပါတယ်’’လို့ သတင်းထောက်တွေကို ပြောကြားခဲ့ပါတယ်။ ပြီးတော့ ဒီလိုလုပ်ရပ်မျိုးကို ဂျပန်နိုင်ငံဟာ ဘယ်တော့မှ ခွင့်လွှတ်မေ့ဖျောက်ပစ်မှာ မဟုတ်ဘူးလို့လည်း အာဘေးက ကတိပေးခဲ့ပါတယ်။
အိုင်အက်စ်တပ်ဖွဲ့က လွှင့်တင်တဲ့ ဗီဒီယိုထဲမှာ မျက်နှာဖုံးစွပ် အကြမ်းဖက်သမားတစ်ဦးက ဓားကိုကိုင်ထားရင်း အင်္ဂလိပ်စကားနဲ့ ခြိမ်းခြောက်ပြောဆိုနေခဲ့ပါတယ်။
‘‘အာဘေး၊ ခင်ဗျားရဲ့ ပေါ့ပြက်ပြက် ဆုံးဖြတ်ချက်ဟာ မနိုင်နိုင်တဲ့ စစ်ပွဲတစ်ခုမှာ ဝင်တိုက်ခိုက်တာနဲ့ အတူတူပဲ။ ကျုပ်တို့ရဲ့ဓားဟာ ကန်ဂျီဂိုတိုကို သတ်လိုက်ရုံနဲ့တင် ရပ်တန့်သွားမှာ မဟုတ်ဘူး။ ခင်ဗျားတို့နိုင်ငံသားတွေကို တွေ့သမျှနေရာမှာ ဆက်ပြီးသတ်နေဦးမယ်။ အခုတော့ ဂျပန်အတွက် အိပ်မက်ဆိုးကို စလိုက်ရအောင်’’ လို့ပြောရင်း ဒူးထောက်လျက်သားရှိနေတဲ့ ဂိုတိုရဲ့ လည်ပင်းပေါ် ဓားတင်လိုက်ပုံကို ဗီဒီယိုမှာ တွေ့မြင်ရပါတယ်။ အဲဒီနောက်မှာတော့ ခေါင်းဖြတ်ကွပ်မျက်ခံထားရတဲ့ ဂိုတိုရဲ့ ကြွင်းကျန်ရုပ်အလောင်းကို ပြသခဲ့ပါတယ်။ ဒီစက်ဆုပ်စရာ ဗီဒီယိုဟာ ဂျပန်တစ်နိုင်ငံလုံးကို တုန်လှုပ်ဝမ်းနည်းသွားစေပါတယ်။
တကယ်တော့ ဂျပန်နိုင်ငံဟာ အမေရိကန်ရဲ့ တခြားမဟာမိတ်တွေလို အိုင်အက်စ်တပ်ဖွဲ့ကို ပါဝင်တိုက်ခိုက်နေတာ မဟုတ်ပါဘူး။ ဆီးရီးယားက စစ်ဘေးသင့်ပြည်သူတွေကို ထောက်ပံ့ကူညီရေးအတွက် ဂျပန်က အဓိကထား လုပ်ဆောင်နေတာ ဖြစ်ပါတယ်။ ဂျပန်အစိုးရက ဂိုတိုနဲ့ ယူကာဝါတို့ကို ကယ်တင်ဖို့ အစွမ်းကုန် လုပ်ဆောင်ခဲ့ပေမယ့် အနိဋ္ဌာရုံဖြစ်ရပ်နဲ့ အဆုံးသတ်သွားခဲ့တာ ဖြစ်ပါတယ်။
အခုလည်း အိုင်အက်စ်စစ်သွေးကြွတွေက သူတို့လက်ထဲမှာရှိနေတဲ့ ဂျော်ဒန်တိုက်လေယာဉ်မှူး မက်ဇ်အယ်လ်ကာဆက်ဘာကိုပါ သတ်ပစ်မယ်လို့ ခြိမ်းခြောက်နေပါတယ်။ ဂျော်ဒန်အစိုးရက ဖမ်းဆီးထားတဲ့ အကြမ်းဖက်သမားတစ်ယောက်ကို ကာဆက်ဘာနဲ့ သုံ့ပန်းချင်းလဲလှယ်မယ်လို့ အိုင်အက်စ်ဘက်က အဆိုပြုထားပေမယ့် ဂျော်ဒန်အစိုးရကတော့ ကာဆက်ဘာ သက်ရှိထင်ရှားရှိနေသေးကြောင်း အရင်ဆုံးသက်သေပြဖို့ တောင်းဆိုနေပါတယ်။
လောလောဆယ်မှာတော့ ကာဆက်ဘာရဲ့ မိသားစုက သတင်းဆိုးမကြားရဖို့ အချိန်တိုင်း ဆုတောင်းနေရပါတယ်။ ဂျပန်မှာတော့ ဓားစာခံနှစ်ယောက် ကယ်တင်ရေးကိစ္စကို အောင်အောင်မြင်မြင် မဆောင်ရွက်နိုင်တဲ့အတွက် ဝန်ကြီးချုပ် ရှင်ဇိုအာဘေးရဲ့ အစိုးရအဖွဲ့အပေါ် ဖိအားတွေ အကြီးအကျယ် သက်ရောက်လာပါပြီ။
အိုင်အက်စ်တပ်ဖွဲ့ရဲ့ အင်အားကို ယုတ်လျော့သွားစေမယ်လို့ အိုဘားမားက ကြုံးဝါးခဲ့ပေမယ့် အခုအချိန်မှာတော့ ရက်စက်ကြမ်းကြုတ်တဲ့ ဆွန်နီအစ္စလာမ်မစ် စစ်သွေးကြွတွေဟာ အမေရိကန်ရဲ့မဟာမိတ် အစိုးရတွေကို အထက်စီးက စကားပြောနေနိုင်တာကို ငြင်းလို့မရပါဘူး။ တကယ်ပဲ အိုင်အက်စ်တပ်ဖွဲ့ဟာ အင်အားယုတ်လျော့လာနေပြီလား။
မဟာမိတ်တပ်ဖွဲ့ ပူးပေါင်းစစ်ဆင်ရေးမှာ အမေရိကန်စစ်ဘက်အရာရှိတွေက ပူးပေါင်းလေတပ်ရဲ့ စစ်ဆင်ရေးတွေကြောင့် အိုင်အက်စ်တပ်ဖွဲ့ဝင် ၆,၀၀၀ လောက်ကို သုတ်သင်လိုက်နိုင်ပြီလို့ ကြေညာထားပါတယ်။ ဒါပေမဲ့ လက်ရှိအခြေအနေမှာတင် အိုင်အက်စ်အမာခံတပ်ဖွဲ့ဝင် ၉,၀၀၀ ကနေ ၁၈,၀၀၀ ထိ ရှိလိမ့်မယ်လို့ ခန့်မှန်းထားတယ်။
တကယ်လို့ အရေးကြုံလာရင် အိုင်အက်စ်တပ်ဖွဲ့ဘက်က ကူညီတိုက်ခိုက်ပေးမယ့် အကြမ်းဖက်စစ်သွေးကြွအုပ်စုတွေကြောင့် အရေအတွက် ၃၀,၀၀၀ ကျော်ထိ တိုးပွားသွားနိုင်ကြောင်း အမေရိကန်ထောက်လှမ်းရေးက ဝန်ခံထားပါတယ်။ အိုင်အက်စ်တပ်ဖွဲ့အတွက် နောက်ထပ် လူအရင်းအမြစ်တိုးပွားနိုင်တဲ့ နည်းလမ်းတစ်ခုလည်း ရှိနေပါသေးတယ်။ အဲဒါကတော့ ကမ္ဘာအနှံ့က အစွန်းရောက်ဂျီဟတ်ဝါဒီတွေဟာ ဆီးရီးယားကို ခိုးဝင်ပြီး အိုင်အက်စ်သစ္စာတော်ခံ တိုက်ခိုက်ရေးသမားတွေ ဖြစ်လာတာပါ။ နိုင်ငံတကာအစိုးရတွေက ဒီဖြစ်ရပ်ကို တားဆီးပိတ်ပင်ဖို့ ကြိုးစားကြပေမယ့် ယိုပေါက်တွေ အများကြီး ရှိနေတာအမှန်ပါပဲ။
ဆီးရီးယားဘက်မှာတော့ အမေရိကန်က လက်နက်တပ်ဆင်ပေးထားတဲ့ ကာ့ဒ်ပြောက်ကျားတွေဟာ အချက်အချာကျတဲ့ ကိုဘာနီမြို့ကို အိုင်အက်စ်လက်အောက်ကနေ ပြန်လည်တိုက်ခိုက်သိမ်းယူခဲ့ပါတယ်။ ဒါဟာ စစ်သွေးကြွတွေအတွက် ထိုးနှက်ချက်တစ်ရပ်ဖြစ်ပေမယ့် လုံးဝပြိုလဲသွားလောက်အောင် သက်ရောက်မှုတော့ မရှိခဲ့ပါဘူး။
အမေရိကန်က ကာ့ဒ်တွေကို ထောက်ပံ့ပေးနေသလို အီရတ်စစ်တပ်ကိုလည်း လေ့ကျင့်သင်တန်းပေးရင်း အိုင်အက်စ်တပ်ဖွဲ့ရဲ့ရန်ကို တွန်းလှန်ဖို့ ကြိုးစားနေပါတယ်။ လေကြောင်းတိုက်ခိုက်မှုတွေကြောင့် အိုင်အက်စ်စစ်သွေးကြွတွေ တဖြုတ်ဖြုတ် သေဆုံးနေတယ်လို့ အမေရိကန်စစ်တပ်က ကြေညာနေပါတယ်။ ဒါပေမဲ့ တစ်ဖက်မှာလည်း တစ်လကို တပ်သားသစ် ၁,၀၀၀ ကျော်လောက် အိုင်အက်စ်ခေါင်းဆောင်တွေက စုဆောင်းရရှိနေပါတယ်။
အိုင်အက်စ်ကို အားဖြည့်ပေးနေတဲ့ နိုင်ငံရပ်ခြားတိုက်ခိုက်ရေးသမားများ အမေရိကန်စစ်ဦးစီးဌာန (CENTCOM) က တာဝန်ရှိသူတွေကတော့ နိုင်ငံခြားတိုင်းပြည်တွေကနေ စီးဝင်လာတဲ့ တိုက်ခိုက်ရေးသမားတွေဟာ အိုင်အက်စ်ယန္တရားကို အရှိန်မပျက်လည်ပတ်စေဖို့ အဓိက လောင်စာတွေ ဖြစ်လာတယ်လို့ ဝန်ခံကြပါတယ်။
‘‘စစ်သွေးကြွတွေနဲ့ ပူးပေါင်းဖို့အတွက် နိုင်ငံပေါင်း ၉၀ လောက်က တိုက်ခိုက်ရေးသမား ၁၉,၀၀၀ လောက် အီရတ်နဲ့ ဆီးရီးယားနယ်မြေတွေထဲ ဝင်သွားကြတယ်’’ လို့ CENTCOM က ဗိုလ်ချုပ်ကြီးဂျိုးဆက်ဗိုတဲလ်က ပြီးခဲ့တဲ့သီတင်းပတ်က ပြောကြားခဲ့ပါတယ်။
CENTCOM ဦးစီးတဲ့ လေကြောင်းထိုးစစ်တွေကနေ တစ်လကို အိုင်အက်စ်အရေအတွက် ၁,၂၀၀ လောက် သုတ်သင်နိုင်တယ် ဆိုရင်တောင် နိုင်ငံခြားတိုင်းပြည်တွေကနေ တိုက်ခိုက်ရေးသမား ၁,၀၀၀ လောက် လစဉ်စီးဝင်နေတဲ့အတွက် ရည်မှန်းချက်အတိုင်း ထိရောက်အောင် စွမ်းဆောင်နိုင်တယ်လို့ မဆိုနိုင်ပါဘူး။
ဒါ့အပြင် အိုင်အက်စ်စစ်ဦးစီးတွေဟာ ထိန်းချုပ်ထားတဲ့ နယ်မြေတွေက ဒေသခံတွေကို ရက်ရက်စက်စက်နှိပ်ကွပ်ပြီး အတင်းအဓမ္မစစ်မှုထမ်းဖို့ လူစုတာမျိုးတွေ ရှိပါသေးတယ်။ ဒီတော့ ငါးလလောက် လေတပ်က ဗုံးကြဲတဲ့ဒဏ်ကို ခံနေရတာတောင် အိုင်အက်စ်အနေနဲ့ အလုံးအထည်မပျက်ဘူးလို့ ပြောရပါမယ်။
အကြောက်တရားကို လက်နက်အဖြစ် အသုံးချတဲ့ အိုင်အက်စ်၊ လူတစ်ယောက်ကို ဓားမြှောင်တစ်လက်နဲ့ သွေးအေးအေးခေါင်းဖြတ်ဖို့ ဝန်မလေးတဲ့ လက်မရွံ့အာဏာပါးကွက်သားတွေကို အိုင်အက်စ်တပ်ဖွဲ့က စုစည်းထားပါတယ်။ ပြီးတော့ သူတို့ရဲ့ ရက်စက်မှုကိုလည်း တစ်ကမ္ဘာလုံးက မြင်သာအောင် ဝါဒဖြန့်တယ်။ တကယ်တော့ အိုင်အက်စ်အကြမ်းဖက်သမားတွေဟာ အကြောက်တရားကို လက်နက်အဖြစ် ပါးပါးနပ်နပ် အသုံးချနေတာ ဖြစ်ပါတယ်။
အမေရိကန်၊ ဗြိတိန်နဲ့ ဂျပန်နိုင်ငံသားတွေကို ခေါင်းဖြတ်ကွပ်မျက်လိုက်ခြင်းဟာ သူတို့ရဲ့ အညှာတာကင်းမဲ့မှုကို တစ်ကမ္ဘာလုံးသိသွားအောင် ရည်ရွယ်ချက်ရှိရှိ ပြသလိုက်ခြင်းလည်း ဖြစ်ပါတယ်။ အိုင်အက်စ်တပ်ဖွဲ့ကို အရှိန်မြှင့်အရေးယူဖို့ ပြင်ဆင်လိုက်တိုင်း သူတို့ လက်ထဲမှာရှိနေတဲ့ နိုင်ငံခြားသား ဓားစာခံတွေကို ကပ်ဘေးဆိုက်အောင် တွန်းအားပေးသလို ဖြစ်သွားပါတယ်။ ဓားစာခံတွေရဲ့ မိသားစုတွေကလည်း ကိုယ့်သွေးသား ဘေးကင်းရေး ဦးစားပေးဆောင်ရွက်ဖို့ သက်ဆိုင်ရာနိုင်ငံအစိုးရတွေကို တောင်းဆိုလာတဲ့အခါ လုပ်ရကိုင်ရခက်တဲ့ အခြေအနေတွေ ဖြစ်လာပါတယ်။ ဒီလိုဖြစ်အောင်လည်း အိုင်အက်စ်အနေနဲ့ သူတို့ရဲ့ လူမဆန်စွာရက်စက်မှုကို ရည်ရွယ်ချက်ရှိရှိ ဝါဒဖြန့်နေတာပါပဲ။
ဓနအင်အားတောင့်တင်းတဲ့ အကြမ်းဖက်အဖွဲ့
ဆီးရီးယားနဲ့ အီရတ်က အိုင်အက်စ်တပ်ဖွဲ့ သိမ်းပိုက်ထားတဲ့ နယ်မြေတွေမှာ ရေနံတွင်းတွေ တော်တော်များများ ရှိနေပါတယ်။ အိုင်အက်စ်ခေါင်းဆောင်တွေအနေနဲ့ ရေနံတွင်းတွေကနေ နေ့တိုင်း ဒေါ်လာသန်းပေါင်း ဆယ်ဂဏန်းလောက် ရနေတယ်လို့ ယူဆရပြီး လက်နက်တပ်ဆင်ဖို့၊ လူသစ်စုဆောင်းဖို့ လုံလောက်တဲ့ ငွေအရင်းအမြစ်ကို ရရှိနေတဲ့သဘောပါပဲ။
ဒါ့အပြင် ဆီးရီးယားနဲ့ အီရတ်မြောက်ပိုင်းမှာ ပိတ်မိနေတဲ့ နိုင်ငံခြားသားတွေကို ဖမ်းဆီးပြီး ပြန်ပေးငွေ တောင်းခံမှုတွေကနေ ငွေကြေးအမြောက်အမြား ရရှိနေတယ်လို့လည်း ယူဆရပါတယ်။ ပြီးခဲ့တဲ့သီတင်းပတ်တုန်းက မိုဆူးလ်မြို့ မြောက်ပိုင်းက အဓိကရေနံပိုက်လိုင်းတစ်ခုကို ဖြတ်တောက်လိုက်နိုင်ကြောင်း ကာ့ဒ်စစ်ဦးစီးတွေက ကြေညာပါတယ်။ အဲဒီပိုက်လိုင်းဟာ အိုင်အက်စ်တပ်ဖွဲ့အတွက် အချက်အခြာကျတဲ့ စီးပွားရေးအခြေခံတစ်ခု ဖြစ်ပါတယ်။ ဘာပဲဖြစ်ဖြစ် အိုင်အက်စ်တပ်ဖွဲ့ဟာ ကမ္ဘာပေါ်မှာ အချမ်းသာဆုံးအကြမ်းဖက်အဖွဲ့အစည်းတစ်ခုအဖြစ် ဆက်လက်ရပ်တည်နေနိုင်ဆဲဆိုတာကတော့ အမှန်ပါပဲ။
အိုင်အက်စ်တပ်ဖွဲ့၏ သစ္စာခံမဟာမိတ်များ
ပြီးခဲ့တဲ့ခြောက်လအတွင်းမှာ အိုင်အက်စ်တပ်ဖွဲ့ရဲ့ အရှိန်အဝါဟာ အစ္စလာမ်မစ်နိုင်ငံတွေကြားမှာ ပျံ့နှံ့သက်ရောက်လာပါတယ်။ အထူးသဖြင့် အစွန်းရောက်ဝါဒကို ဆွဲကိုင်တဲ့ လူငယ်ပိုင်းကို ဆွဲဆောင်နိုင်ခဲ့သလို ဘာသာရေးအခြေခံ အကြမ်းဖက်အဖွဲ့အစည်း အတော်များများကလည်း အိုင်အက်စ်တပ်ဖွဲ့ကို တလေးတစား သဘောထားလာပါတယ်။
ရလဒ်အနေနဲ့ကတော့ ပါကစ္စတန်ကနေ အယ်လ်ဂျီးရီးယားထိ နိုင်ငံအတော်များများမှာ ရှိနေတဲ့ အကြမ်းဖက်အဖွဲ့အစည်းငယ်တွေဟာ အိုင်အက်စ်လက်အောက်ခံအဖြစ် လာရောက်ပူးပေါင်းခဲ့တာပါပဲ။ ဆီးရီးယားက အယ်လ်နျူဆာရာတပ်ဦးလို အဖွဲ့အစည်းမျိုးကလည်း သူတို့ဟာ အိုင်အက်စ်တပ်ဖွဲ့နဲ့ အတူတကွ ရပ်တည်ကြောင်း ကြေညာခဲ့ပါတယ်။ တစ်ချိန်က အယ်လ်ကိုင်ဒါဟာ အစွန်းရောက် အစ္စလာမ်မစ် ဂျီဟတ်ဝါဒီတွေကို အဓိက ဩဇာညောင်းခဲ့ပေမယ့် အခုတော့ အိုင်အက်စ်ကသာ ထိပ်ဆုံးတန်းနေရာကို ရောက်လာပါပြီ။
သိပ်မကြာသေးခင်က အိုင်အက်စ်တပ်ဖွဲ့ဟာ ယီမင်မှာပါ လူသစ်တွေစုဆောင်းပြီး နယ်ပယ်ချဲ့ထွင်ဖို့ ခြေလှမ်းပြင်လာပါပြီ။ အာရေဗျရေလက်ကြားနိုင်ငံတွေက အကြမ်းဖက်အဖွဲ့အစည်းတွေကလည်း အိုင်အက်စ်တပ်ဖွဲ့အပေါ် လိုလားမှုအပြည့် ကြိုဆိုနေပါတယ်။ ဒီအခြေအနေက အရှေ့အလယ်ပိုင်းနိုင်ငံတွေရဲ့ အစိုးရတွေကို မျက်ခုံးလှုပ်စရာ ဖြစ်လာစေပါတယ်။
အိုင်အက်စ်တပ်ဖွဲ့ကို နှိမ်နင်းနိုင်မှာလား
အိုင်အက်စ်ဟာ ဒီနေ့ခေတ်ရဲ့ ခေတ်အမီဆုံး အကြမ်းဖက် စစ်သွေးကြွအဖွဲ့အစည်း ဖြစ်လာပါတယ်။ အီရတ်မြောက်ပိုင်းက လူဦးရေတစ်သန်းခွဲကျော် နေထိုင်တဲ့ မိုဆူးလ်လို အဓိကမြို့ကြီးတွေကို ထိန်းချုပ်ပြီး အစ္စလာမ်မစ်ဥပဒေနဲ့ အုပ်ချုပ်တဲ့ ကိုယ်ပိုင်နိုင်ငံတစ်ခုအဖြစ် ကြေညာနိုင်တဲ့အထိ အင်အားတောင့်တင်းပါတယ်။ အစ္စလာမ်မစ်ကိုယ်ပိုင်နိုင်ငံ ထူထောင်ဖို့ဆိုတာဟာ ဂျီဟတ်ဝါဒီ အကြမ်းဖက်အဖွဲ့အစည်းတိုင်းရဲ့ နောက်ဆုံးပန်းတိုင်ဖြစ်ပြီး အိုင်အက်စ်တပ်ဖွဲ့ကလွဲလို့ ဘယ်သူမှ မစွမ်းဆောင်နိုင်သေးပါဘူး။
မိုဆူးလ်ကို အီရတ်စစ်တပ်က ပြန်လည်သိမ်းပိုက်နိုင်မယ်ဆိုရင်တော့ အိုင်အက်စ်တပ်ဖွဲ့ကို ချက်ကောင်းထိုးလိုက်သလို ဖြစ်သွားပါလိမ့်မယ်။ ဒါပေမဲ့ အရည်အသွေးနိမ့်ကျတဲ့ အီရတ်စစ်တပ်ဟာ မိုဆူးလ်ကို တကယ်တမ်းပြန်သိမ်းယူဖို့ အကန့်အသတ်အများကြီး ရှိပါတယ်။ အိုဘားမားကလည်း လေကြောင်းပစ်ကူပေးရုံကလွဲရင် အမေရိကန်မြေပြင်တပ်တွေကို စေလွှတ်မှာ မဟုတ်ဘူးလို့ ခေါင်းမာနေတဲ့အတွက် အိုင်အက်စ်အနေနဲ့ မိုဆူးလ်မှာ ဆက်ပြီး ခိုင်ခိုင်မာမာ ခြေကုပ်ယူနေနိုင်မှာပါ။
အမေရိကန်ကတော့ ပူးပေါင်းမဟာမိတ်လေတပ်ရဲ့ စစ်ဆင်ရေးတွေမှာ အိုင်အက်စ်ခေါင်းဆောင် ဘယ်နှယောက် သေဆုံးသွားတယ်ဆိုတဲ့အကြောင်း ရှေ့လျှောက်လည်း အသံကောင်းဟစ်ပြီး ကြေညာနေဦးမှာပါ။ အိုင်အက်စ်တပ်ဖွဲ့ကလည်း သူတို့ရဲ့ ရက်စက်ကြမ်းကြုတ်မှုတွေကို အစွမ်းကုန်ထုတ်ပြရင်း ကမ္ဘာကြီးကို အကြောက်တရားနဲ့ စိန်ခေါ်နေဦးမှာ သေချာပါတယ်။
ပြီးခဲ့တဲ့ရက်ပိုင်းအတွင်း ဂျပန်ဓားစာခံနှစ်ယောက်ကို ကွပ်မျက်လိုက်တဲ့နောက် အိုင်အက်စ်တပ်ဖွဲ့ရဲ့ ဆိုးသွမ်းရက်စက်မှုကို တစ်ကမ္ဘာလုံးက ပိုပြီးအော့နှလုံးနာလာကြပါတယ်။ ဝိုင်းဝန်းပြီးပြစ်တင်ရှုတ်ချကြတယ်။ အခုဆိုရင် ဂျော်ဒန်လေယာဉ်မှူး ကာဆက်ဘာရဲ့ အသက်ဘေးအတွက်လည်း စိုးရိမ်နေရပါပြီ။
အိုဘားမားကတော့ သူ့ရဲ့ အကြမ်းဖက်ဆန့်ကျင်ရေး မဟာဗျူဟာကို ဆက်ပြီးယုံကြည်ဖို့ တိုက်တွန်းနေတုန်းပါ။ ဒါပေမဲ့ ကမ္ဘာပေါ်မှာ အဆိုးယုတ်ဆုံး အကြမ်းဖက်အဖွဲ့အစည်းတစ်ခုကို စကားလုံးတွေရယ်၊ လေယာဉ်ပေါ်က ကြဲချလိုက်တဲ့ ဗုံးတချို့ရယ်လောက်နဲ့တော့ ဟန့်တားဖို့ မဖြစ်နိုင်ပါဘူး။ အိုင်အက်စ်ဆိုတာ တစ်ကမ္ဘာလုံးကို ချောက်ချားစေတဲ့ အမည်တစ်ခုဖြစ်လာပါပြီ။ အိုင်အက်စ်တပ်ဖွဲ့ကို ဖြိုခွင်းဖို့ဆိုတာက အီရတ်၊ အမေရိကန်နဲ့ မဟာမိတ်နိုင်ငံအစိုးရတွေသာမက တစ်ကမ္ဘာလုံး လက်တွဲဖြေရှင်းရမယ့် စိန်ခေါ်မှုတစ်ခု ဖြစ်ပါလိမ့်မယ်။
—Ref: CNN/BBC/AFP
