11.11.2014 ရက်နေ့ မနက် 5:00 မှာ ကျောက်ဆည်မြို့၊ ရွှေလှံထောင်ကျောင်းသို့ ရောက်ရှိခဲ့ပါတယ်။
ရွှေလှံထောင်တောင်ခြေရှိ သောကြာကြယ် ပညာရေးပရဟိတကျောင်းကိုရောက်ပါတယ်။ အလယ်တန်း အထက်တန်း ကျောင်းသားကျောင်းသူလေးများ စုပေါင်း ဘုရားဝတ်တက်နေတာတွေ့ရပါတယ်။ စိတ်ချမ်းသာစ ရာပါ။ သောကြာကြယ်ပညာရေးဖောင်ဒေးရှင်းမှာ ကျောင်းအိပ်ကျောင်းစား အမြဲနေ ကျောင်းသား/သူ နှစ်ရာနီးပါးရှိပြီး အိမ်မှ ကျောင်းလာတက်သူများနှင့်ဆိုလျှင် သုံးရာကျော်ရှိကြောင်း သိရပါတယ်။ ဦးဆောင်သူကတော့ သူငယ်ချင်း ဦးသီဟနှင့် တပည့်အရှင်ဝီရတေဇောတို့ ဖြစ်ပါတယ်။
ငယ်ဆရာရင်းလည်းဖြစ်၊ အမေကြီး၏ မောင်အရင်းလည်းဖြစ်တဲ့ ရွှေလှံထောင်ဆရာတော်ဘုရားကြီးရဲ့ သက်တော် ၈၇ နှစ်ပြည့် မွေးနေ့မှာပွဲ ပင့်သံဃာ ၈၇ ပါးကို သင်္ကန်း ထီး ဖိနပ် စောင် နဝကမ္မ စတာတွေကို စာရေးတံမဲဖောက်ပြီး လှူဒါန်းပါတယ်။
ဘကြီးတော်ဘုရားကတော့ လှူဒါန်းမှု အစုစုကိုကြည့်ရှုပြီး စိတ်ချမ်းသာနေပုံရပါတယ်။ ပျော်တစ်ပြုံးပြုံး မော်မဆုံး ဖြစ်နေတာ ဖူးတွေ့ရလို့ပါ။
